2015-02-17

Муай Тайн залуу тамирчид Эрхүү хот руу...



Эрхүү мужийн биеийн тамир спортын хороо, Эрхүүгийн муай тайн холбоо хамтран өсвөр үе, залуучуудад эрүүл мэнд, бие бялдарын зөв хүмүүжил олгох ,тайландын үндэсний спорт муай тайг муж хязгаар улсад хөгжүүлэх,сурталчилах,муайтайн холбоодын хамтын ажиллагааг сайжруулах зорилготой 2-р сарын 19-22 нд Эрхүү хотын "Байгаль" спортын цэнгэлдэхэд муай тайн олон улсын тэмцээнийг зохион байгуулах байгуулсан юм. Манай орноос өсвөр үед 45кгд М.Мөнхбаяр (Дархан Уул аймаг), 51 кгд Б.Гансэлэм ("Мишээл" групп), 57 кг П.Даваасүрэн ("Мишээл" групп) нар, залуучууд болон насанд хүрэгчдийн ангилалд 51 кгд Н.Идэрмөрөн (Хууль сахин биелүүлэх сургууль), 54 кгд Б.Батхүлэг ("Мишээл" групп), 60 кгд Б.Гантогтох (Монголын Үндэсний дээд сургууль), 71кгд А.Гантүлхүүр ("Мишээл" групп), эмэгтэй 54 кгд Э.Номин-Эрдэнэ нар дасгалжуулагч О.Алтанпүрэвийн хамт урилгаар оролцож 60 кг-д хүч үзсэн залуу тамирчин Б.Гантогтох тус тэмцээнд түрүүлэн аваргын алтан медаль, 54 кг-д хүч сорисон Б.Батхүлэг мөнгө медалийн эзэд боллоо. Залуу тамирчдыг 03-р сарын 05-08 нд Улаан-Үд хотноо болох Буриадын аварга шалгаруулах тэмцээн болон Олон улсын оюутны спортын холбооноос (FISU) Тайланд улсын Бангкок хотноо зохион байгуулах муай тайн оюутны дэлхийн аварга шалгаруулах тэмцээн 03-р сарын 16-23 нд тус тус хүлээж байна.

Холбоотой мэдээ



Олимпийн наадмууд-71




ОЛИМПИЙН ТҮНШ БАЙГУУЛЛАГУУД