2015-06-20

Монголын нэг өдөр Олимпийн нижгэр баяр



 

Монголын нэг өдөр Олимпийн нижгэр баяр

Одоогоос 121 жилийн өмнө VI сарын 23-нд Францын соён гэгээрүүлэгч, их бичгийн хүн, Баро хэргэмт Пьер Кубертэн Парис хотын Сорбоны их сургууль дээр хэсэг нөхдийн хамт Олон улсын олимпийн хороо (IOC)-г үүсгэн байгуулж, орчин цагийн олимпийн наадмыг сэргээх түүхэн шийдвэрээ гаргасан энэ дурсгалт өдрийг хүн төрөлхтөн ОЛОН УЛСЫН ОЛИМПИЙН ӨДӨР хэмээн өнө мөнхөлж, гүн хүндэтгэн, жил бүр ОУОХ-ны гишүүн 205 оронд ёслол төгөлдөр тэмдэглэдэг сайхан уламжлалтай билээ. Энэхүү уламжлал ёсоор МҮОХ нь “OLYMPIC DAY” ёслолыг энэ сарын 20-ний өдөр төв цэнгэлдэх хүрээлэнд “Дугуйтай олимпийн баяр”-ыг зохион байгуулав. Олимпийн өдрийн ёслолыг МҮОХ-ны ерөнхийлөгч Д.Загдсүрэн нээж, Гүйцэтгэх зөвлөлийн гишүүд, Спортын холбоодын төлөөлөгчид, олимпийн наадамд оролцсон ахмадууд, дугуй, хөнгөн атлетик, дугуйт тэшүүрийн 100 гаруй өсвөр, залуу тамирчид оролцлоо. Ёслолын үеэр "Токио-1964" зуны XV олимпийн наадамд оролцсон “олимпийн анхны партизан” дугуйчин Я.Баатар үг хэлж, МҮОХ-ноос дугуйн ахмад дасгалжуулагч Н.Нармандах, регби-ний тамирчин Г.Хосбаяр, Үшү-гийн холбооны ерөнхий нарийн бичгийн дарга Н.Булган, “Монлайн” спорт хувцасны компанийн захирал А.Чимэд-Очир, Дугуйн холбооны ерөнхий нарийн бичигийн дарга З.Наран нарыг олимпийн одонгоор шагнаж урамшуулав. “OLYMPIC DAY” ирээдүйн олимпийн найдвар болсон 3-5 насны бяцхан дугуйчид, роликтой тэшүүрчдийн 200 метрийн уралдаанаар эхэлж, өсвөр залуучуудын өрсөлдөөнтэй тэмцээнээр өндөрлөн, тамирчдыг МҮОХ-ны нэрэмжит медаль, ОУОХ-ны Ерөнхийлөгч Т.Бахын гарын үсэг бүхий өргөмжлөл, мөнгөн урамшууллаар шагнуулсан байна. МҮОХ нь “OLYMPIC DAY” баярыг угтан, Сэлэнгэ, Өвөрхангай, Хэнтий аймагт “Барселона”, “Монреаль”, “Сент-Луис” олимпийн зөвлөлтэй хамтран, спортын олон төрлийн арга хэмжээ зохион байгуулсан билээ. Олимпийн нэрэмжит дугуйн тэмцээнд Б.Мягмарсүрэн (Аттила), Э.Билгүүнжаргал (Автозам), Э.Дорждагва (Хан-Уул), Ч.Солонго (Алдар) нарын “төмөр хүлэгтнүүд” хошуучилсан бол дугуйт тэшүүрийн замд Төв аймаг, Хан-Уул дүүрэг,  Төрөлжсөн сургалттай БТС-ын дунд сургуулийн багийнхан эхний гуравт шалгарсан байна.

Э.Батмөнх

Гэрэл зургийг Ч.Ганбат

undefined

undefined

undefined

undefined

undefined

undefined

undefined

undefined

undefined

undefined

undefined

undefined

undefined

undefined

 

Холбоотой мэдээ



Олимпийн наадмууд-71




ОЛИМПИЙН ТҮНШ БАЙГУУЛЛАГУУД