2015-07-22

Тамирчдад зориулсан тусгай сургалт зохион байгуулагдана



 

 

ОУОХ-ны тамирчдыг дэмжих хөтөлбөр нь "Olympic Agenda 2020" үзэл баримтлалд тусгагдсанаар спортын талбарт цэвэр шударгаар өрсөлдөж байгаа тамичдын хичээл зүтгэлийг үнэлэх зорилготой юм. Энэхүү хөтөлбөр нь олимпод оролцож байсан нийт тамирчдад хамааралтай бөгөөд анх 2009 онд ОУОХ-оос тамирчдыг дэмжих хөтөлбөрийг боловсруулж, дэлхийн бүх орны тамирчдыг дэмжсээр ирсэн билээ.

Тус хөтөлбөрийн хүрээнд Монголын үндэсний олимпийн хороо, ОУОХ-ны Тамирчдын комисс хамтран 2015 оны 8-р сарын 18-ны өдөр Улаанбаатар хотноо тамирчдад зориулсан тусгай сургалт зохион байгуулах гэж байна. Уг сургалтыг ОУОХ-ны Гүйцэтгэх  зөвлөлийн гишүүн, Тамирчны комиссийн дарга, туялзуур сэлэмний олимпийн мөнгөн медальт Клаудиа Бокель зөвхөн нэг өдрийн хөтөлбөрөөр удирдан явуулна.

Иймд спорт холбоодын удирдлагууд та бүхэн 8-р сарын 1-ний дотор шаардлага хангасан оролцогчдыг бүртгүүлэхийг хүсье. Үүнд:

  • Олимпод оролцогч / спортын төрлөөр хичээллэж байсан ба одоо спортын салбарын зүтгэлтэн байх
  • Тамирчдын амьдралаас нийгмийн амьдралд шилжих гэж буй (зодог тайлхаар бэлтгэж буй) тамирчид
  • Холбоо тус бүрээс нэг эрэгтэй, нэг эмэгтэй төлөөлөгч
  • Сургалтыг англи хэл дээр зохион байгуулах ба аман орчуулга хийнэ

 

 

Холбоотой мэдээ



Олимпийн наадмууд-71




ОЛИМПИЙН ТҮНШ БАЙГУУЛЛАГУУД